Il mistero della morte è il pensiero che prima o poi, in un modo o nell'altro, ogni essere umano affronta.
Prima della morte stessa.
E quasi sempre è uno degli argomenti toccato nelle opere di filosofi, scrittori, scienziati, poeti. Chi in un modo, chi un altro, ha provato a descrivere il rapporto che unisce il vivere e il morire.
"Non v'è rimedio per la nascita e la morte salvo godersi l'intervallo" diceva Schopenhauer.
Pienamente condivisibile e, dal mio punto di vista, il modo migliore per goderselo questo breve intervallo, non può essere che viaggiare.
'A Livella
Per i defunti andare al Cimitero
Ognuno ll'adda fà chesta crianza
Ognuno adda tené chistu penziero
Ogn'anno, puntualmente, in questo giorno
Di questa triste e mesta ricorrenza
Anch'io ci vado, e con dei fiori adorno
Il loculo marmoreo 'e zi' Vicenza
St'anno m'é capitato 'navventura
Dopo di aver compiuto il triste omaggio
Madonna, si ce penzo, e che paura!
Ma po' facette un'anema e curaggio
'O fatto è chisto, statemi a sentire
S'avvicinava ll'ora d'à chiusura
Io, tomo tomo, stavo per uscire
Buttando un occhio a qualche sepoltura
"Qui dorme in pace il nobile marchese
Signore di Rovigo e di Belluno
Ardimentoso eroe di mille imprese
Morto l'11 maggio del'31"
'O stemma cu 'a curona 'ncoppa a tutto
Sotto 'na croce fatta 'e lampadine
Tre mazze 'e rose cu 'na lista 'e lutto
Cannele, cannelotte e sei lumine
Proprio azzeccata 'a tomba 'e stu signore
Nce stava 'n 'ata tomba piccerella
Abbandunata, senza manco un fiore
Pe' segno, sulamente 'na crucella
E ncoppa 'a croce appena se liggeva:
"Esposito Gennaro - netturbino"
Guardannola, che ppena me faceva
Stu muorto senza manco nu lumino
Questa è la vita! 'ncapo a me penzavo
Chi ha avuto tanto e chi nun ave niente
Stu povero maronna s'aspettava
Ca pur all'atu munno era pezzente?
Mentre fantasticavo stu penziero
S'era ggià fatta quase mezanotte
E i'rimanette 'nchiuso priggiuniero
Muorto 'e paura... nnanze 'e cannelotte
Tutto a 'nu tratto, che veco 'a luntano?
Ddoje ombre avvicenarse 'a parte mia
Penzaje: stu fatto a me mme pare strano
Stongo scetato... dormo, o è fantasia?
Ate che fantasia; era 'o Marchese
C'o' tubbo, 'a caramella e c'o' pastrano
Chill'ato apriesso a isso un brutto arnese
Tutto fetente e cu 'nascopa mmano
E chillo certamente è don Gennaro
'Omuorto puveriello' o scupatore
'Int 'a stu fatto i' nun ce veco chiaro
So' muorte e se ritirano a chest'ora?
Putevano sta' 'a me quase 'nu palmo
Quanno 'o Marchese se fermaje 'e botto
S'avota e tomo, tomo, calmo, calmo
Dicette a don Gennaro: "Giovanotto!"
Da Voi vorrei saper, vile carogna
Con quale ardire e come avete osato
Di farvi seppellir, per mia vergogna
Accanto a me che sono blasonato!
La casta è casta e va, si, rispettata,
Ma Voi perdeste il senso e la misura
La Vostra salma andava, si, inumata
Ma seppellita nella spazzatura
Ancora oltre sopportar non posso
La Vostra vicinanza puzzolente
Fa d'uopo, quindi, che cerchiate un fosso
Tra i vostri pari, tra la vostra gente
"Signor Marchese, nun è colpa mia
I'nun v'avesse fatto chistu tuorto
Mia moglie è stata a ffa' sta fesseria
I' che putevo fa' si ero muorto?
Si fosse vivo ve farrei cuntento
Pigliasse 'a casciulella cu 'e qquatt'osse
E proprio mo, obbj'...'nd'a stu mumento
Mme ne trasesse dinto a n'ata fossa"
"E cosa aspetti, oh turpe malcreato
Che l'ira mia raggiunga l'eccedenza?
Se io non fossi stato un titolato
Avrei già dato piglio alla violenza!"
"Famme vedé.-piglia sta violenza
'A verità, Marché, mme so' scucciato
'E te senti; e si perdo 'a pacienza
Mme scordo ca so' muorto e so mazzate!
Ma chi te cride d'essere, nu ddio?
Ccà dinto, 'o vvuo capi, ca simmo eguale?
Muorto si'tu e muorto so' pur'io;
Ognuno comme a 'na'ato é tale e quale"
"Lurido porco! Come ti permetti
Paragonarti a me ch'ebbi natali
Illustri, nobilissimi e perfetti
Da fare invidia a Principi Reali?"
"Tu qua' Natale, Pasca e Ppifania
T"o vvuo' mettere 'ncapo' int'a cervella
Che staje malato ancora è fantasia?
'A morte 'o ssaje ched"e? è una livella.
'Nu rre, 'nu maggistrato, 'nu grand'ommo
Trasenno stu canciello ha fatt'o punto
C'ha perzo tutto, 'a vita e pure 'o nomme
Tu nu t'hè fatto ancora chistu cunto?
Perciò, stamme a ssenti, nun fa"o restivo
Suppuorteme vicino-che te 'mporta?
Sti ppagliacciate 'e ffanno sulo 'e vive
Nuje simmo serie, appartenimmo à morte!"
'A fenesta s'è araputa
'a fenesta s'è araputa,
e chi è trasuto, neh?
Chi s'è assettata
nopp' 'o parapetto
e cun nu pizzo a riso
m'ha guardato?
Andivinate!
'A morte.
Ncen'è voluto tiempo po' ssape'
ch'era 'a Morte' mperzona.
E già, pecchè
nun era cu ll'uocchie scafutate,
cu tutt' 'e diente 'a fora e senza naso,
comme sempe hanno ditto ch'era 'a Morte!
Addo'! Ma quanno maie!...
Era 'na vicchiarella accunciulella.
Me pareva ‘a nonna, Sant'Anna.
Era, gnorsì, na faccia cummigliata
cu 'a pelle sulamente,
ma na pelle d''o culore d''a cera,
chella cera ca serve p''e cannele
ca se trovano ‘o juorno ‘a Cannelora,
e ddoie manelle
ch'erano ammennole ammunnate.
Ve ll'aggio ditto: me pareva Sant'Anna.
M'è venuta a ffa visita e m'ha ditto:
- Guagliunciè...-
Pe' na persona antica comm'a essa
so' tutte guagliuncielle,
viecchie e giovane
-Guagliunciè,
mò ce avimmo 'a vedé spisso,
accussì, a poco'a vota,
ce truvammo gusto, trasimmo in confidenza,
in simpatia,
fino a quanno te piglio sott''o vraccio
e parlanno parlanno te ne viene cu mmico.
-E va bene-
aggio ditto,
Cumme site simpatica!
V'aspetto.
-Quann'è ca te fa comodo,
ca nun te dongo fastidio
e ca te trovo libero
ca putimmo parlà?...
-Sempe meglio ‘e dummeneca".
-E ll'orario?"
- Verso 'e ccinch'e mmèza:
io songo matenante.
-Io- m'ha risposto
e l'è scappat'a rridere,
-tengo troppo che ffa',
nun dormo maje".
-Viat'a vvuie-
e me so' mis'a rridere pur'io.
-Tu pure si' simpatico...
-Grazie del complimento.
-Aspe'... -
m'ha ditto
pe' tramente
se ne scennev'‘a copp''o parapetto,
-che te vulevo dicere,
ca m'è scappat''a mente...
‘O ttengo mpizz''e lengua...
Ah me so' arricurdata.
Quanno vene'a dummeneca,
lass''a fenesta aperta.
Sinò tu chiude...
io arapo...
Sparagnammo fatica.
E se n'è scesa.
